നഷ്ടങ്ങൾ

ദീർഘയാത്ര കഴിഞ്ഞ് മടങ്ങി വന്നപ്പോൾ വീട് തുറന്ന് കിടക്കുന്നതാണ് കണ്ടത്.സാധനങ്ങൾ വാരിവലിച്ചിട്ടിരിക്കുന്നു.ഭാര്യയും കുട്ടികളും എന്തൊക്കെ നഷ്ടപ്പെട്ടു എന്നറിയാൻ പരിഭ്രമത്തോടെ ഓടിനടന്നു.
                      എന്റെ മാലയും വളകളും കാണാനില്ല.”ഭാര്യാ  അലമുറയിട്ടു.
മുപ്പത്തഞ്ചുപവനാണ് പോയത്.” അവൾക്ക് സങ്കടം അടക്കാൻ കഴിയുന്നില്ല.അമ്മുമ്മ സ്നേഹത്തോടെ കൊടുത്ത ഒന്നരപ്പവന്റെ കുണുക്കും അതിൽ‌പ്പെടും.
       എന്റെ ലാപ്ടോപ്പ് പോയി. ഷിറ്റ്” എന്നു് പറഞ്ഞ് മകൻ മേശയിലിടിച്ചു.
 അങ്കിൾതന്ന ഫോറിൻ ലാച്ച കാണാനില്ല മമ്മി.” മോളുടെ ശബ്ദം വല്ലാതെ ഇടറിയിരുന്നു.
                അയാൾമാത്രം നിസ്സംഗ്ഗനായി ഇരുന്നു.മോഷ്ടാക്കളിലും കലാസ്വാദകരുണ്ടല്ലോ എന്നാണ് തമാശയോടെ ചിന്തിച്ചത്.എഴുതിപൂർത്തിയാകാത്ത ആ ഉത്തരാധുനിക കവിത വീണ്ടും ഓർത്തെടുക്കാൻ കഴിയുമോ എന്നാലോചിച്ച് വിമ്മിഷ്ടത്തോടെ അയാൾ എഴുത്തുമേശയിലേക്ക് നടന്നു.